Personvernerklæring for Liadal Lager AS

Sist oppdatert: 21.07.2026

Denne personvernerklæringa forklarer korleis Liadal Lager AS samlar inn, brukar, lagrar og deler personopplysningar.

1. Kven er behandlingsansvarleg?

Liadal Lager AS er behandlingsansvarleg for personopplysningane vi behandlar.

Liadal Lager AS
Organisasjonsnummer: 918 881 794
Adresse: Liadalsvegen 789, 6152 Ørsta
E-post: post@liadallager.no

Spørsmål om personvern eller førespurnader om innsyn, retting eller sletting kan sendast til e-postadressa ovanfor.

2. Kva personopplysningar behandlar vi?

Vi kan behandle desse opplysningane:

• namn, adresse, telefonnummer og e-postadresse
• føretaksnamn, organisasjonsnummer og rolle i verksemda
• opplysningar om bestillingar, leigeforhold og avtalar
• opplysningar om gjenstandar som skal lagrast, til dømes type, storleik og registreringsnummer
• fakturaopplysningar, betalingsstatus og rekneskapsdokumentasjon
• e-postar og annan kommunikasjon med oss
• andre opplysningar du sjølv gir oss når du tek kontakt

Vi har normalt ikkje behov for å samle inn særlege kategoriar personopplysningar, som helseopplysningar.

3. Kvifor behandlar vi personopplysningar?

Administrasjon og levering av tenester

Vi behandlar personopplysningar for å:

• registrere og følgje opp bestillingar
• inngå og administrere leige- og lagringsavtalar
• kontakte kundar om innlevering, utlevering og praktiske forhold
• levere dei tenestene kunden har bestilt
• handtere spørsmål, klager og kundeservice

Behandlingsgrunnlaget er at behandlinga er nødvendig for å inngå eller oppfylle ei avtale med kunden.

Fakturering og rekneskap

Vi behandlar personopplysningar for fakturering, betaling, bokføring og rapportering til offentlege styresmakter.

Behandlingsgrunnlaget er våre rettslege plikter etter mellom anna bokførings- og rekneskapsregelverket.

Leverandørar og kontaktpersonar i verksemder

Vi behandlar kontaktopplysningar til leverandørar, samarbeidspartnarar og kontaktpersonar hos kundar.

Behandlingsgrunnlaget er vår legitime interesse i å administrere verksemda og følgje opp avtaleforhold.

Sikring av rettskrav

Vi kan lagre opplysningar når det er nødvendig for å dokumentere avtalar eller fastsetje, gjere gjeldande eller forsvare eit rettskrav.

Behandlingsgrunnlaget er vår legitime interesse i å vareta rettane våre.

Marknadsføring

Vi sender ikkje elektronisk marknadsføring utan at det finst eit gyldig behandlingsgrunnlag. Der behandlinga er basert på samtykke, kan samtykket når som helst trekkjast tilbake.

4. Kvar får vi opplysningane frå?

Dei fleste personopplysningane får vi direkte frå deg gjennom:

• bestillingar
• avtalar
• e-post og telefon
• fakturainformasjon
• annan kontakt med oss

Vi kan også hente opplysningar frå offentleg tilgjengelege kjelder, til dømes Brønnøysundregistera, når dette er nødvendig for å kontrollere føretaks- eller kontaktinformasjon.

5. Kven deler vi opplysningane med?

Vi sel ikkje personopplysningar.

For å drive verksemda kan vi dele nødvendige personopplysningar med:

• leverandør av rekneskaps- og fakturasystem, mellom anna Visma
• Google, for lagring, dokumentbehandling og e-post
• leverandørar av nettside, e-post, IT-drift, tryggleik og sikkerheitskopiering
• bank, rekneskapsførar, revisor eller juridisk rådgivar
• offentlege styresmakter når vi er rettsleg forplikta til det

Leverandørar som behandlar personopplysningar på våre vegner, skal vere regulerte gjennom databehandlaravtalar og kan berre bruke opplysningane etter instruks frå oss.

6. Overføring av opplysningar utanfor EØS

Enkelte leverandørar kan bruke underleverandørar eller ha tilgang til opplysningar frå land utanfor EU og EØS.

Ved slike overføringar skal det liggje føre eit gyldig overføringsgrunnlag, til dømes ei avgjerd frå EU-kommisjonen om tilstrekkeleg vernenivå eller EU sine standard personvernføresegner.

Du kan kontakte oss dersom du ønskjer meir informasjon om overføringsgrunnlaget.

7. Kor lenge lagrar vi opplysningane?

Vi lagrar ikkje personopplysningar lenger enn det som er nødvendig for formålet dei vart samla inn for.

• Opplysningar knytte til eit aktivt kundeforhold blir lagra så lenge kundeforholdet varer.
• Avtalar og kommunikasjon kan lagrast vidare når det er nødvendig for å dokumentere avtaleforholdet eller handtere moglege krav.
• Rekneskapsmateriale blir lagra så lenge vi er pålagde etter bokføringsregelverket.
• Førespurnader som ikkje fører til eit kundeforhold, blir sletta når vi ikkje lenger har behov for dei.

Opplysningar kan bli lagra lenger dersom dette er nødvendig for å oppfylle ei rettsleg plikt eller handtere eit rettskrav.

8. Korleis sikrar vi opplysningane?

Vi bruker organisatoriske og tekniske tiltak for å verne personopplysningar mot:

• uautorisert tilgang
• endring eller misbruk
• tap eller sletting
• ulovleg utlevering

Tilgangen til personopplysningar er avgrensa til personar som har tenestleg behov for opplysningane.

9. Rettane dine

Du kan, når vilkåra i personvernregelverket er oppfylte, be om:

• informasjon om korleis vi behandlar opplysningar om deg
• innsyn i personopplysningane vi har registrert
• retting av feil eller ufullstendige opplysningar
• sletting av personopplysningar
• avgrensing av behandlinga
• å protestere mot enkelte former for behandling
• å få utlevert opplysningar i eit strukturert og maskinlesbart format
• å trekkje tilbake eit samtykke

Retten til sletting er ikkje absolutt. Vi kan til dømes ikkje slette opplysningar som vi er pålagde å oppbevare etter bokføringsregelverket.

Vi svarar normalt på førespurnader innan éin månad. Vi kan be om nødvendig dokumentasjon for å kontrollere identiteten til den som tek kontakt.

10. Klage

Dersom du meiner at vi behandlar personopplysningane dine i strid med regelverket, ber vi deg først kontakte oss på post@liadallager.no.

Du har også rett til å klage til Datatilsynet.

11. Endringar i personvernerklæringa

Vi kan oppdatere personvernerklæringa dersom behandlinga vår eller regelverket blir endra. Den nyaste versjonen vil alltid vere tilgjengeleg på nettsida vår.